Poslovne vijesti - Makedonija

Во ХЕЦ „Шпиље“ произведени 241 милиони киловатчасови електрична енергија

Минатата година во хидроелектричната централа „Шпилје" кај Дебар, која е дел од системот на хидроцентралите „Црн Дрим" се произведени 241 милиони и 271 илјади киловат часови електрична енергија.

„Тоа претставува 1,17 отсто повеќе од Планот на електраната во 2012 година, што е е 238 милиони и 444 илјади киловат часови електрична енергија", изјави портпаролот на ЕЛЕМ Мирче Котевски.

Според него, и резервите на вода во Дебарското езеро се нешто повеќе од минатата година во овој период и изнесуваат околу 18 милиони киловат часови електрична енергија .

Во Дебарското езеро има благ пораст на нивото, но се очекува во наредниот период нивото да расте, велат во ЕЛЕМ.

Инаку покрај оваа хидроцентрала наскоро се очекува да стартува и изградбата на уште една хидроцентрала кај Дебар, а тоа е хидроцентралата „Бошков Мост", која ќе ги користи водите од неколку реки во областа Мала Река.